Յակուտիայում ավարտական տոնակատարության ժամանակ իններորդ դասարանցի է մահացել. Նա խեղդվել է լողավազանում` երեկույթի կեսին. հայտնում է SHOT տելեգրամյան ալիքը։
Յակուտսկի թիվ 10 դպրոցի շրջանավարտները մեկնել են Տեխտյուր գյուղի մերձակայքում գտնվող այգում նշելու ավարտական միջոցառումը։ Ճամփորդությունը, ըստ ուսումնական հաստատության, կազմակերպել են ծնողները։ Հրավիրված էր նաև դասղեկը։
Ականատեսների խոսքով, երբ դեռահասները գնացել են լողավազան, ծնողներն ու նրանց ուղեկցող ուսուցիչը մնացել են ռեստորանում, որտեղ անցկացվել է միջոցառումը։ 15-ամյա աղջիկը ջրի մեջ կորցրել է գիտակցությունը։ Նրան անգիտակից վիճակում դուրս են բերել լողավազանից։։ Իններորդ դասարանցու ծնողներն իրենք են փորձել դուրս բերել դստերը, նա ուշքի է եկել, սակայն փրկել չի հաջողվել։
Էկոպարկում ասում են, որ մահացածը, ըստ նախնական տվյալների, հանկարծամահ է եղել, իսկ ավելի ուշ ժամանած բժիշկներն իրենց հետ չեն ունեցել վերակենդանացման սարքավորումներ։
Դատախազությունը հետաքննություն է սկսել։