Մենք ողջունում ենք այն ամենը, ինչ օգտակար է ռուսական բիզնեսին. Հայաստանը մեզ համար օտար երկիր չէ»:
Այս մասին Վլադիվոստոկում ընթացող Արևելյան տնտեսական ֆորումի լիագումար նիստի ժամանակ հայտարարել է ՌԴ նախագահ Վլադիմիր Պուտինը՝ մեկնաբանելով ռուսական ընկերությունների և քաղաքացիների Հայաստան տեղափոխվելու որոշումները:
«Եթե որևէ մեկին դուր է գալիս աշխատել Հայաստանում, խնդրեմ: Այդ մարդիկ հիմնականում ՏՏ ոլորտի մասնագետներ են: Եթե այնտեղ աշխատելը ավելի նպատակահարմար ու ձեռնտու է, ապա, ի սեր Աստծո, թող աշխատեն։ Հայաստանը մեզ համար օտար երկիր չէ, ամեն ինչ մեր կողքին է, կարելի է անգամ աշխատել Երևանում ու միաժամանակ ապրել Մոսկվայում»,- ասել է Պուտինը՝ հավելելով, որ իրավիճակի մեջ ոչ մի արտառոց բան չկա:
Լրացնելով ՌԴ նախագահի խոսքը՝ ՀՀ վարչապետն էլ նշել է՝ հույս ունի՝ այս տեղաշարժերը Ռուսաստանում ընկալվում են որպես շարժ ԵԱՏՄ-ի ներսում։ «ԵԱՏՄ-ն հենց այդ նպատակով էլ ստեղծվել է, որ ազատ տեղաշարժ ապահովի ապրանքների, ծառայությունների և աշխատուժի համար»,- նկատել է Նիկոլ Փաշինյանը:
Отправить ответ