Վերջապես լավ լուր գերիների մասով

Կառավարությունն իր այսօրվա՝ հունվարի 25-ի նիստում որոշում կայացրեց, որով 44-օրյա պատերազմի հետեւանքով քաղաքացիական անհայտ կորածների

(ինչպես նաև գերեվարվածների) ընտանիքներին եւս երկու ամիս (հունվար-փետրվարին) 300 հազարական դրամ սոցիալական աջակցության կտրամադրվի:

Որոշման հիմնավորման մեջ նշվում է, որ քաղաքացիական անձանց շրջանում անհայտ կորածների (ինչպես նաև գերեվարվածների) ընտանիքներին հատկացվող դրամական օգնությունը քաղաքացիական անձի հաշվով ամսական 300 000 դրամի չափով) ստանալու համար դիմումը պետք է ներկայացվեր էլեկտրոնային եղանակով՝ մինչև 2023 թվականի դեկտեմբերի 10-ը։

Սակայն մինչ այսօր կան քաղաքացիական անձանց շրջանում անհայտ կորածներ (ինչպես նաև գերեվարվածներ), որոնց ընտանիքներն ունեն շարունակական աջակցության կարիք:

Առկա խնդիրներին լուծում տալու նպատակով առաջարկվում է ընդունել ներկայացվող նախագիծը, որով անհայտ կորածի (ինչպես նաև գերեվարվածի) ընտանիքները ևս 2 ամիս (2024 թվականի հունվար և փետրվար ամիսներ) կստանան սոցիալական աջակցություն ՝ամսական 300.000 դրամի չափով, որի համար դիմում կարող են ներկայացնել մինչև 2024 թվականի փետրվարի 10-ը:

Նախագծի ընդունման դեպքում ըստ նախնական կանխատեսման և նախարարությունում առկա տեղեկատվության համաձայն միջոցառման շրջանակներում սոցիալական աջակացությունը պետք է տրամադրվի 11 անհայտ կորած (ինչպես նաև գերեվարված) անձանց ընտանիքներին՝ 2024 թվականի հունվար և փետրվար ամիսների համար:

11 x 2 x 300.000=6.600.000 դրամ:

Նախագծի ընդունման դեպքում Հայաստանի պետական բյուջեից կպահանջվի 6.600.000 դրամ:

Բացի այդ, մ,եկ այլ որոշմամբ 44-օրյա պատերազմի հետեւանքով անհայտ կորած զինծառայողների ընտանիքներին եւս երկու ամիս (հունվար-փետրվարին) 300 հազարական դրամ սոցիալական աջակցության կտրամադրվի:

Այս տարվա հունվարի 12-ի դրությամբ 26 զինծառայողներ վերադարձվել են հայրենիք, դեռևս անհայտ բացակայող ճանաչելու մասին դատական ակտեր չունեցող թվով 25 անհայտ կորած համարվող զինծառայողների ընտանիքների աջակցության տրամադրումը դադարեցվել է 2024թ. հունվարի 1-ից:

Որոշման նախագծով նախատեսվում է անհայտ կորած զինծառայողների ընտանիքներին աջակցության տրամադրման ժամկետը երկարաձգել մինչև 2024թ. փետրվար ամիսը ներառյալ:

Որոշման նախագծի ընդունման դեպքում շահառու հանդիսացող թվով 25 անհայտ կորած զինծառայողի ընտանիքի աջակցության տրամադրման ֆինանսական հաշվարկը 2024 թվականի հունվար-փետրվար ամիսների համար կազմում է 15.000.000 ՀՀ դրամ:

Անհրաժեշտ միջոցները նախատեսվում է ներգրավել 2024 թվականի պետական բյուջեով ՀՀ աշխատանքի և սոցիալական հարցերի նախարարությանը հատկացված միջոցների վերաբաշխումների հաշվին: