Հանրապետությունում վերջին մեկ շաբաթվա ընթացքում սուր շնչառական վարակներով պայմանավորված հիվանդացության աճ է նկատվում, նախորդ շաբաթվա համեմատ 1.1 անգամ դեպքերը շատացել են, սակայն վարակիչ և ոչ վարակիչ հիվանդությունների համաճարակաբանության վարչության պետը շեշտում է՝ այս իրավիճակը բնորոշ է սեզոնին։
Ռոմելլա Աբովյանը աճի գործոններից է համարում տոնական օրերին ավելի հաճախ շփումն ու ախտանիշներ ունենալու դեպքում անձնական հիգիենայի կանոնները չպահպանելը։
«Կանխատեսում ենք ակտիվության պահպանում և նաև կարող է հիվանդացության ցուցանիշները բարձրանալ, որովհետև նաև գիտենք, որ եղանակային պայմանները ավելի ցուրտ է լինելու և ելնելով դրանից խորհուրդ ենք տալիս նախ այն բոլոր անձանց, ովքեր չեն պատվաստվել գրիպի նկատմամբ պատվաստվեն, և պետք է նշեմ, որ պատվաստանյութը քառավալենտ առկա բոլոր ամբուլատոր- պոլիկնինիկ կազմակերպություններում, այն անվճար է և անկախ քաղաքացիությունից բոլոր անձինք կարող են դիմել պոլիկնինիկ կազմակերպություններ պատվաստվելու համար»,-Ասում է Աբովյանը։
Отправить ответ