Իրանի հարավային Սիստան և Բելուջիստան նահանգի իշխանությունները կիրակի հայտնել են, որ իրանցի սահմանապահ է զոհվել ընդհանուր սահմանում՝ «Թալիբան» շարժման ուժերի հետ բախման հետևանքով, տեղեկացնում է Mehr-ը։
Իրանի և Աֆղանստանի ընդհանուր սահմանի Մաքաքի շրջանում «Թալիբանի» և իրանական սահմանապահների այսօրվա բախման հետևանքով, որոշ ԶԼՄ-ներ տեղեկացնում են իրանական երկու սահմանապահի զոհվելու մասին։
Ըստ իրանական ԶԼՄ-ների, «Թալիբան» շարժման ուժերը կրակ են բացել Զաբուլ շրջանի սահմանային Սասոլի ՀԱԿ-ի ուղղությամբ շաբաթ առավոտյան։ Բախումների հետևանքով զոհվել է իրանցի 2 սահմանապահ, 2 խաղաղ բնակիչ վիրավորվել է։
Անցած շաբաթ սահմանային Սասոլի ՀԱԿ-ի հրամանատարը սպանվել էր «Թալիբանի» զինյալների կողմից։
Միաժամանակ Սիստան և Բելուջիստանի տրանսպորտի և ավտոճանապարհների վարչության գլխավոր տնօրեն Այուբ Քորդը հայտարարել է Միլաք սահմանային անցումը փակելու մասին, մինչև հետագա ծանուցումը։
Համաձայն «Թալիբան» շարժման ներքին գործերի նախարարի մամուլի քարտուղար , մոլա Աբդուլ Նաֆի Թաքուրի տեղեկացման, այսօրվա սահմանային լարվածության հետևանքով երկուական մարդ է սպանվել սահմանի յուրաքանչյուր կողմում, ևս մի քանիսը վիրավորվել են։