Մարդիկ և բեռներն Ադրբեջանից Ադրբեջան պետք է անցնեն առանց որևէ ստուգման, այս մասին տեղական հեռուստաալիքներին տված հարցազրույցում հայտարարել է Ադրբեջանի նախագահ Իլհամ Ալիևը։
Երկրի ղեկավարը նշել է, որ հակառակ դեպքում Հայաստանը հավերժ կմնա փակուղում։ «Եթե իմ նշած երթուղին (այսպես կոչված «Զանգեզուրի միջանցքը» – խմբ.) չբացվի, ապա մենք մտադիր չենք բացել Հայաստանի հետ սահմանը այլ վայրում։
Այսինքն, նրանք դրանից ավելի շատ վնաս կստանան, քան օգուտ»,- հավելել է Ադրբեջանի նախագահը։