Ղազախստանում գրանցվել է կարմրուկի պատճառով նորածնի մահվան երկու դեպք, հայտնել է առողջապահության փոխնախարար, հանրապետության գլխավոր պետական սանիտարական բժիշկ Այժան Էսմագամբետովան։
«Ինչ վերաբերում է մահացու դեպքերին, երկու մահացու դեպք է գրանցվել՝ Աստանայում և Արևելյան Ղազախստանի շրջանում, դրանք մինչև մեկ տարեկան երեխաներ են, այսինքն՝ պատվաստումների տարիքը չլրացած երեխաներ»,- ասել է Էսմագամբետովան՝ պատասխանելով լրագրողների հարցին։ Նրա խոսքով՝ ևս 15 երեխա գտնվում է ծանր վիճակում։
Ղազախստանի հանրային առողջության ազգային կենտրոնի մամուլի ծառայությունը հայտնել է, որ տարեսկզբից հանրապետությունում պաշտոնապես գրանցվել է կարմրուկով վարակման 26815 դեպք, դեկտեմբերի 18-ից 24-ը գրանցվել է 2373 նոր դեպք։
Отправить ответ